Ushtarët turq nga Batalioni i Forcës Rezervë Operacionale (ORF), pjesë e misionit të udhëhequr nga NATO – KFOR, kanë vazhduar zhvillimin e aktiviteteve të tyre të përditshme nëpër Kosovë.
Sipas njoftimit të KFOR-it, trupat turke kanë realizuar patrulla në disa zona të vendit me qëllim sigurimin e një pranie të dukshme dhe qetësuese në terren, si dhe rritjen e ndërgjegjësimit në lidhje me situatën.
“Përmes profesionalizmit dhe përkushtimit të tyre, ata kontribuojnë në stabilitetin rajonal dhe luajnë një rol kyç në misionin e vazhdueshëm të KFOR-it për të mbajtur një ambient të sigurt dhe të qëndrueshëm për të gjithë njerëzit që jetojnë në Kosovë,” thuhet në njoftim.
Forcat turke janë ndër kontributoret më të rëndësishme të misionit të KFOR-it në Kosovë, duke marrë pjesë në operacione të sigurisë, patrullime dhe aktivitete bashkëpunuese me komunitetet lokale.
