Hynë ilegalisht nga Serbia në Kosovë – ndalohen një burrë dhe një grua në Leposaviq

Një burrë dhe një grua janë ndaluar nga Policia e Kosovës në Leposaviq, pasi dyshohet se kanë hyrë ilegalisht nga territori i Serbisë në territorin e Republikës së Kosovës.

Sipas raportit 24-orësh të Policisë së Kosovës, rasti ka ndodhur mbrëmjen e së martës, gjatë patrullimit të njësitit policor në atë zonë.

“Njësiti policor gjatë patrullimit ka ndaluar një femër dhe një mashkull kosovarë, të cilët kanë hyrë ilegalisht nga territori i Serbisë në territorin e Republikës së Kosovës. Me vendim të prokurorit, rasti është inicuar dhe do të procedohet me procedurë të rregullt”, thuhet në raportin zyrtar të policisë.