Policia në Pejë ka njoftuar se ka arrestuar një person të dyshuar për veprën penale “Grabitje”.
Sipas njoftimit, një person e ka sulmuar një tjetër dhe nën kërcënimin e thikës ia ka grabitur 20 euro. Më pas viktima është futur me dhunë në veturën e tij dhe njëri nga të dyshuarit ka vozitur.
Shoferi e ka humbur kontrollin mbi veturë dhe është aksidentuar.
Policia ka identifikuar të dyshuarit dhe u janë konfiskuar 20 euro, thika, 3 telefona, 2 vetura.
Ata janë dërguar në mbajtje për 48 orë.
“Policia menjëherë i është përgjigjur rastit dhe me të arritur në vendngjarje ka kuptuar nga viktima e rastit se i njëjti fillimisht ёshtё sulmuar fizikisht dhe i janё grabitur njё shumё prej 20 eurosh, nёn kёrcёnimin e mjetit tё mprehtë (thikё). Viktima ёshtё futur me dhunё nё veturёn e tij, ndёrsa njёri nga tё dyshuarit e ka vozitur veturën e tij nё drejtim tё Deçanit, e mё pas vozitёsi i veturёs humb kontrollin mbi veturën dhe aksidentohet. Pas njё pune intensive tё njësiteve tё Stacionit Policor nё Pejё, ёshtё arritur identikfikimi dhe arrestimi i personave tё dyshuar, ku tek tё dyshuarit janё gjetur dhe janë sekuestruar: njёzet (20) euro, mjeti i mprehtë (thikё), tre (3) telefona mobilë dhe dy (2) vetura tё cilat dyshohet se ishin të përfshira nё rast. Pas intervistimit nga hetuesit e sektorit rajonal pёr hetime, tre tё dyshuarit, me urdhёr tё prokurorit tё Shtetit, janё dёrguar nё mbajtje pёr 48 orё.”
