Adam Sandler tha se gjatë promovimit të filmit të ri “Jay Kelly” ai veshi më shumë kostume se zakonisht.
Sandler i tha Entertainment Tonight se nuk ndihej rehat në atë kohë.
“Ishte e tmerrshme. Nuk më pëlqen ndjesia. Mendoj se kam vetëm tre kostume të ndryshme dhe nuk më pëlqejnë shumë prej tyre. Nuk i duroj dot pantallonat. Nuk i duroj dot xhaketat, ato këmishat. I urrej të gjitha”, tha ai.
Kur u komplimentua për pamjen e tij, Sandler u përgjigj: “Jo. Faleminderit”.
Sandler njihet për pamjen e tij të thjeshtë, e cila përbëhet nga bluza të përditshme, pantallona të gjera, çorape.
Megjithatë, për rolin e tij në “Jay Kelly”, atij iu desh të ndërronte pamjen e tij standarde me një kostum elegant.
Gjithashtu, bashkë-ylli i tij George Clooney i tha People se ai ndikoi në disa nga zgjedhjet e modës së Sandler, si dhe këmbënguli që ai të fillonte të vishte kostume më shpesh.
“E detyrova Adamin të vishte kostume. A nuk mendon se duket më mirë sesa me ato pantallonat e gjera dhe të shkurtra”, deklaroi Clooney.
Pantallonat e gjera të Sandler janë bërë stili dhe trendi i tij dallues.
Duke folur për bashkë-aktorin e tij, Clooney tha: “Ky film tregon se çfarë aktori i mrekullueshëm dhe i sinqertë është Adam.
Vazhdimisht u thoja aktorëve të mos i flisnin sikur të ishte thjesht ndonjë komedian i çmendur, ai është në të vërtetë një aktor vërtet i mrekullueshëm”.
