Lidhja Demokratike e Kosovës pritet që nesër në mbledhjen e Kryesisë Qendrore ta propozojë zyrtarisht Lumir Abdixhikun si kandidat për kryeministër të vendit.
Në dokumentin që eshte siguruar nga mediat, pika e dytë e rendit të ditës do të jetë për “nominimin e kandidatit të LDK-së për Kryeministër”.
Propozimi i Abdixhikut vjen në prag të zgjedhjeve të parakohshme parlamentare të 28 dhjetorit, për të cilat partia ka nisur tashmë përgatitjet organizative dhe mobilizimin e degëve.
Në mbledhjen e nesërme pritet të diskutohen edhe rezultatet e zgjedhjeve të fundit lokale.
