Arrestohet “Fero”, dyshohet se rrahu Arbenitën

by informim

Reperi gjilanas Feronit Shabani, i njohur me emrin artistik “Fero”, shpeshherë është futur në telashe me shtetin. I njohur për shumë vepra të cilat bien ndesh me ligjin, ndër vite atij s’i kanë munguar incidentet, të cilat i kanë kushtuar me heqje lirie. E kështu ndodhi gjatë ditës së djeshme, pasi i njëjti u arrestua nën dyshimet për dhunë në familje.

Burimet e Sinjalit brenda Prokurorisë kanë bërë me dije se kësaj here “Fero” dyshohet se ka ushtruar dhunë ndaj bashkëshortes së tij, modeles së njohur, Arbenita Ismajli.

banner

Kjo e fundit e shqetësuar dhe në gjendje të rëndë është larguar nga banesa ku bashkëjeton me të dyshuarin dhe vajzën e tyre dhe ka kërkuar ndihmën e Policisë së Kosovës.

Sipas dëshmisë së Arbenitës, pas një konflikti verbal me “Feron”, ai ka eskaluar në dhunë fizike duke e goditur me grusht e më pas ia ka thyer edhe telefonin e saj personal. I njëjti dyshohet ta ketë kërcënuar me jetë, duke i thënë se do ta vrasë nëse ia merr vajzën.

Si rezultat i denoncimit, njësitë policore kanë arritur ta arrestojnë Feron, i cili është shoqëruar në stacion policor për intervistim.

Pas përfundimit të procedurave policore, prokurori i Shtetit ka nxjerrë aktvendim që Feros t’i caktohet masa e ndalimit policor dhe i njëjti do të hetohet nën dyshimet për kryerjen e veprës penale “Dhunë në familje”.

banner

Të ngjajshme

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy