17 
Ministrja në detyrë e Industrisë, Ndërmarrësisë dhe Tregtisë, Rozeta Hajdari, ka arritur sot në Gjykatën Themelore në Prishtinë, ku pritet të mbahet seanca e shqyrtimit fillestar lidhur me rastin e njohur si skandali i “Rezervave Shtetërore”.
Sipas raportimeve, Hajdari po përballet me akuza për korrupsion në këtë rast, ndërsa për të njëjtën çështje janë të akuzuar edhe Irfan Lipovica, Hafiz Gara dhe Ridvan Muharremi. Të katër të pandehurit janë të pranishëm në sallën e gjykimit.
Seanca e sotme shënon një fazë të rëndësishme procedurale në këtë proces gjyqësor, ku pritet që gjykata të shqyrtojë aktakuzën dhe qëndrimet fillestare të palëve lidhur me akuzat e ngritura nga Prokuroria.
