Kontrollet e zhvilluara dje nga SPAK, gazetarja: Hetim i përbashkët me autoritetet italiane, lidhet me call center-at

Detaje të reja janë zbuluar në lidhje me kontrollet e SPAK dhe BKH të zhvilluara ditën e djeshme, 16 janar, në disa zyra “call center” në Tiranë.

Gazetarja Klodiana Lala raporton se hetimi që është kryer në bashkëpunim me autoritetet italiane dhe ka përfshirë kontrollin e 6 kateve të një kulleluksoze, pranë rrugës “Myslym Shyri” në Tiranë.

Mësohet se veprimet janë realizuar me vendim të Gjykatës së Posaçme Kundër Korrupsionit dhe Krimit të Organizuar (GJKKO), firmosur nga prokurori Vladimir Mara.