10 
Kryetari i Bashkisë Tiranë, Erion Veliaj, përkujtoi sot 21 Janarin, duke nderuar kujtimin e katër qytetarëve që humbën jetën në zemër të kryeqytetit 15 vjet më parë.
“21 Janar ishte një nga ditët më të errëta që përgjaku Tiranën, shtëpinë e të gjithë shqiptarëve. Plaga e dhimbjes së familjeve mbetet ende e hapur. Gjaku i të pafajshmëve thërret më fort se kurrë për drejtësi. Nuk ju harroj!”, shkroi Veliaj në një postim publik.
Deklarata e tij u bë në përvjetorin e 15-të të ngjarjes, një ditë që shënon një nga kapitujt më tragjikë në historinë e vendit tonë.
