Gjatë episodit të fundit të Celebrity Gogglebox, Rita Ora shoqërohej nga motra e saj e madhe Elena, duke e kthyer atë në një çështje familjare.
Dy motrat, të cilat kanë një ngjashmëri të jashtëzakonshme, patën një natë vajzash dhe episodi u transmetua të premten në Channel 4.
Rita, 32, ka një marrëdhënie të ngushtë me motrën e saj 34-vjeçare, e cila është edhe menaxherja e saj.
Rita Ora u shfaq e mrekullueshme gjatë paraqitjes së saj të fundit, e veshur me një bluzë livande dhe dollakë të ngjashëm. Ajo stiloi flokët e saj bjonde mjaltë të valëzuara dhe vuri një gjerdan argjendi që binte në sy për të kompletuar pamjen e saj.
Krijuesja e hiteve ka qenë e zënë me promovimin e muzikës së saj të re, duke përfshirë këngën e saj të fundit Don’t Think Twice.
Në albumin e saj të tretë You and I, i cili publikohet sot më 14 korrik, këngëtarja eksploron udhëtimin romantik me bashkëshortin e saj regjisor Taika Waititi.
Ylli i popit tha për këngën e re: “Mos mendo dy herë për të do të thotë të mos mendohesh dy herë dhe të hidhesh në të, në mënyrë romantike”.
“Jetohet vetëm një herë, kështu që në të vërtetë duhet kapur momenti dhe të mos u frenohesh nga mendimet se çfarë mund të ndodhë ose jo”.
Në videoklipin dramatik të drejtuar nga fituesi i çmimit Oscar, Taika Waititi, këngëtarja dhe bashkëshorti i saj 47-vjeçar mund të shihen duke kërcyer në pyll.
