59 
Policia e Kosovës ka dhënë detaje lidhur me aksidentin e ndodhur pasditen e sotme në Prishtinë, në afërsi të Kazermës “Adem Jashari”.
Sipas zëdhënëses së Policisë për Rajonin e Prishtinës, Flora Ahmeti, në aksident janë përfshirë një tren dhe një automjet, ndërsa si pasojë një person ka pësuar lëndime trupore.
“Në këtë aksident ka qenë i përfshirë një tren dhe një automjet. Si pasojë e aksidentit, një person është lënduar”, ka deklaruar Policia.
I lënduari ka marrë trajtim mjekësor, ndërsa Njësiti i Trafikut Rajonal po merret me hetimin e rrethanave dhe shkaqeve që çuan deri te aksidenti.
