Ministrja e Drejtësisë, Donika Gërvalla-Schwarz, ka theksuar se sundimi i ligjit është detyrim kushtetues dhe jo opsion për Republikën e Kosovës, duke nënvizuar se askush nuk mund të jetë mbi ligjin.
Në një postim në Facebook, Gërvalla-Schwarz është shprehur se forcimi i sistemit të drejtësisë është thelbësor për garantimin e barazisë para ligjit, eliminimin e vonesave dhe procedurave burokratike, si dhe për luftimin e korrupsionit dhe krimit të organizuar në çdo nivel. Sipas saj, vetëm përmes një sistemi të fortë drejtësie mund të ndërtohet një shtet i qëndrueshëm ligjor.
Ajo ka bërë të ditur se në kuadër të Ministrisë së Drejtësisë, Qeveria e Republikës së Kosovës ka ndarë 44.6 milionë euro për vitin 2026, një rritje e konsiderueshme krahasuar me 29 milionë euro sa ishte buxheti në vitin 2020.
Konjufca takohet me Prattipatin: Bashkëpunimi i ngushtë me ShBA’të, përcaktim i pandryshueshëm i institucioneve të reja
Kurti ia çon Gërvallës si zëvendës në Ministrinë e Drejtësisë ish-shefin e kabinetit të Albulena Haxhiut
Sipas ministres, këto mjete do të shërbejnë për forcimin e kapaciteteve institucionale, zbatimin më efektiv të reformave në drejtësi, përshpejtimin e proceseve të digjitalizimit, mbështetjen e sistemit korrektues dhe krijimin e mekanizmave më të fuqishëm për luftimin e korrupsionit dhe krimit të organizuar.
“Në Republikën e Kosovës, ligji nuk negociohet. Askush nuk guxon të jetë mbi ligjin”, ka përfunduar ajo.
