Gazetari i gazetës gjermane “FAZ”, Michael Martens, ka njoftuar për një zhvillim të ri politik përmes një postimi në platformën sociale “X”.
Ai bëri të ditur se kryeministri i Shqipërisë, Edi Rama, dhe presidenti i Serbisë, Aleksandar Vuçiq, do të ndërmarrin një iniciativë të përbashkët lidhur me zgjerimin e Bashkimit Evropian.
Sipas tij, kjo lëvizje pritet të tërheqë vëmendje të konsiderueshme, ndonëse jo të gjithë do të bien dakord me të.
Martens njoftoi se detaje të mëtejshme mbi këtë iniciativë do të publikohen së shpejti në gazetën gjermane Frankfurter Allgemeine Zeitung (FAZ).
“Një iniciativë e përbashkët nga kryeministri i Shqipërisë Edi Rama dhe presidenti serb Aleksandar Vuçiq mbi zgjerimin e BE-së. Ky veprim ka të ngjarë të tërheqë mjaft vëmendje, edhe pse shumë nuk do të jenë dakord”, ka shkruar ai në X.
Coming up: A joint initiative by Albania’s Prime Minister Edi Rama and Serbian President Aleksandar Vučić on EU enlargement. The move is likely to stir quite some attention, even though many will disagree. More soon in Frankfurter Allgemeine Zeitung/FAZ.
— Michael Martens (@Andric1961) February 27, 2026
