Media shtetërore iraniane ka konfirmuar vdekjen e udhëheqësit suprem të vendit, Ali Khamenei, duke shpallur 40 ditë zie publike në mbarë vendin.
Lajmi vjen pasi presidenti i SHBA-ve, Donald Trump, njoftoi më herët gjatë mbrëmjes në rrjetin e tij social Truth Social për vdekjen e Khameneit.
Sipas raportimeve, vrasja dyshohet të ketë ndodhur në orët e para të së shtunës, në zyrën e tij në Teheran, pasi të paktën katër ndërtesa në kompleksin e udhëheqësit suprem në qendër të kryeqytetit u goditën gjatë sulmeve të gjera amerikano-izraelite.
Vetëm disa orë para konfirmimit zyrtar, një burim i medias shtetërore iraniane, i afërt me zyrën e Khameneit, kishte deklaruar se lideri i revolucionit ishte “i palëkundur dhe i vendosur në drejtimin e situatës”, duke hedhur poshtë raportimet për fatin e tij.
Shpallja e zisë kombëtare shënon një moment të rëndë për Iranin, ndërsa situata në rajon mbetet e tensionuar dhe me zhvillime të paparashikueshme në ditët në vijim.
