34 
Sipas njoftimit të Policisë së Kosovës, rreth orës 08:00 autoritetet janë njoftuar për vjedhjen e një automjeti në rrugën “Hoxhë Kadri Prishtina” në Mitrovicë. Pas marrjes së informacionit, njësitë policore kanë ndërmarrë veprime të shpejta operative dhe hetimore për lokalizimin e veturës së vjedhur.
Pas disa orësh kërkimesh, policia ka arritur ta gjejë automjetin dhe ta ndalojë atë. Gjatë ndërhyrjes janë arrestuar tre persona të dyshuar për bashkëkryerje të veprës penale.
Megjithatë, pas intervistimit dhe procedurave policore, me urdhër të prokurorit të dyshuarit janë liruar në procedurë të rregullt, ndërsa ndaj tyre është iniciuar rasti penal për veprën “Vjedhje e rëndë”.
