Këshilltarja e presidentes Vjosa Osmani, Learta Hollaj, ka reaguar përmes një postimi publik lidhur me kritikat ndaj dekretit për shpërndarjen e Kuvendi i Kosovës, duke theksuar se ky veprim ishte zbatim i drejtpërdrejtë i detyrimeve kushtetuese.
Në reagimin e saj, Hollaj ka theksuar se presidentja ka zbatuar atë që kërkon Kushtetuta e Republikës së Kosovës dhe se nxjerrja e dekretit nuk ishte çështje vullneti apo dëshire politike.
Sipas saj, nëse presidentja nuk do ta nxirrte një dekret të tillë në rrethanat e krijuara, atëherë do të rrezikonte shkeljen e Kushtetutës.
Hollaj gjithashtu ka kritikuar akuzat dhe gjuhën e përdorur nga disa kritikë ndaj presidentes, duke theksuar se etiketime të tilla si “verbërim pushteti”, “monarki” apo “arbitraritet” tregojnë mungesë tolerance ndaj interpretimeve të ndryshme juridike për çështjet kushtetuese.
Ajo ka rikujtuar gjithashtu se vetë presidentja ka deklaruar se e mirëpret dërgimin e dekretit për shqyrtim në Gjykatën Kushtetuese të Kosovës dhe se do të respektojë çdo vendim që do të merret nga ky institucion.
Në fund të reagimit të saj, Hollaj ka theksuar se në një republikë, përkushtimi ndaj Kushtetutës është detyrë institucionale dhe jo ambicie personale.
