Presidentja e Republikës së Kosovës, Vjosa Osmani, ka pritur në takim ambasadorin e Republikës së Italisë në Kosovë, Maurizio Antonini, me të cilin ka diskutuar për zhvillimet e fundit politike në vend dhe për thellimin e bashkëpunimit ndërmjet dy shteteve.
Gjatë takimit u trajtuan edhe aspekte të ndryshme të bashkëpunimit bilateral, me theks në forcimin e marrëdhënieve ndërmjet Kosovës dhe Italisë në fusha të ndryshme.
Presidentja Osmani theksoi se marrëdhëniet mes dy vendeve janë të shkëlqyera dhe shprehu mirënjohjen e popullit të Kosovës për mbështetjen e vazhdueshme që Italia i ka dhënë Kosovës në faza të rëndësishme të shtetndërtimit dhe në forcimin e pozitës së saj në arenën ndërkombëtare.
Ajo vlerësoi rolin e Italisë si një partner të rëndësishëm të Kosovës dhe si mbështetëse e proceseve integruese dhe demokratike të vendit.
