28 
Komuna e Rahovecit ka bërë të ditur se ka pritur në një takim zyrtar Komandantin e RC-W të KFOR, Kolonel Federico Mora.
Gjatë vizitës, kryetari i komunës dhe komandanti Mora kanë diskutuar për çështje që lidhen me sigurinë në rajon, forcimin e bashkëpunimit ndërinstitucional, si dhe përkrahjen në projekte të ndryshme në shërbim të qytetarëve.
Në këtë takim u shpreh mirënjohje për rolin dhe kontributin e vazhdueshëm të KFOR-it në ruajtjen e paqes dhe stabilitetit në Kosovë.
Nga ana e saj, Komuna e Rahovecit theksoi se mbetet e përkushtuar dhe e hapur për bashkëpunim të mëtejshëm me institucionet vendore dhe ndërkombëtare, në funksion të rritjes së sigurisë dhe mirëqenies së qytetarëve.
