Shefja e Grupit Parlamentar të Lëvizjes Vetëvendosje, Arbërie Nagavci, ka reaguar pas vendimit të Gjykata Kushtetuese e Republikës së Kosovës, e cila i dha Kuvendit edhe 34 ditë afat për të vazhduar procedurën e zgjedhjes së presidentit.
Duke folur në emisionin “Frontal” në T7, Nagavci theksoi se ky është një moment i rëndësishëm për klasën politike që të tejkalojë dallimet dhe të përmbyllë procesin e zgjedhjes së kreut të shtetit.
Ajo u shpreh se tashmë ekziston një afat i qartë kohor dhe se duhet angazhim i përbashkët për të arritur një marrëveshje politike. Sipas saj, prioritet duhet të jetë zgjedhja e presidentit të ri dhe jo thellimi i përplasjeve politike.
Nagavci gjithashtu vlerësoi se vendi nuk ka nevojë të shkojë në zgjedhje të reja, duke i cilësuar ato si të panevojshme dhe humbje kohe. Ajo shtoi se, edhe në rast të zgjedhjeve, rezultati pritet të jetë i njëjtë, prandaj kërkohet mobilizim dhe konsensus brenda Kuvendit për të votuar presidentin e ri.
Deklaratat e saj vijnë në një kohë kur institucionet e vendit po përballen me afate kushtetuese dhe presion për të përmbyllur një nga proceset më të rëndësishme politike në vend.
