28 
Kryetarja e Kuvendit të Kosovë, Albulena Haxhiu, ka pritur sot në një takim zyrtar të Ngarkuarën me Punë në Ambasadën e Shtetet e Bashkuara në Kosovë, Anu Prattipati.
Gjatë takimit diskutuan për zhvillimet e fundit politike në vend, duke u ndalur te prioritetet aktuale të Kuvendit dhe roli i tij në avancimin e proceseve demokratike. Po ashtu, u theksua rëndësia e bashkëpunimit të vazhdueshëm ndërmjet Kosovës dhe Shteteve të Bashkuara, veçanërisht në forcimin e institucioneve dhe sundimit të ligjit.
Haxhiu vlerësoi mbështetjen e vazhdueshme amerikane për Kosovën, ndërsa Prattipati ritheksoi përkushtimin e SHBA-ve për të mbështetur zhvillimin demokratik dhe stabilitetin në vend.
