43 
Në Komisionin Ad hoc për përzgjedhjen e kandidatëve për anëtarë të Bordit të RTK-së, deputetja e Partisë Demokratike të Kosovës, Ganimete Musliu, është përplasur me deputeten e Lëvizjes Vetëvendosje, Arbëreshë Kryeziu.
Përplasja nisi pasi Musliu shprehu shqetësimin se qytetarët që kanë aplikuar duhet të njoftohen më herët, ndërsa Kryeziu reagoi duke theksuar se ata janë kandidatë dhe jo qytetarë.
“A janë kandidatët qytetarë, apo pjesë e grupit tuaj parlamentar?”, vazhdoi me pyetje deputetja e PDK-së.
Musliu më pas i tha Kryeziut: “Kur të flas unë, ti ndalesh, nuk të intereson se si drejtohem. Nëse janë anëtarë të Vetëvendosjes, kallxona, menjëherë kallxona””.
Pas përplasjes, Musliu është larguar nga mbledhja e komisionit.
