Pjesë të ndryshme të Shkupit janë përmbytur nga uji, pasi një stuhie të fuqishme që ka goditur sot pasdite Maqedoninë e Veriut.
Banorë të këtij qyteti kanë dërguar fotografi për Klankosova.tv, duke treguar situatën e vështirë si pasojë e të reshurave të dendura që kanë filluar pasditen e së mërkurës.
Vetura të përmbytura në ujë, si dhe rrugë të vërshuara kanë qenë disa prej pamjeve nga kryeqyteti i Maqedonisë së Veriut.
Autoritetet e këtij shteti kanë krijuar edhe Shtabin e Krizave dhe kanë anguazhuar ekipet e ndërmarrjeve publike për të ndërhyrë në pjesët ku paraqitet nevoja.
Pas temperaturave ekstreme, së fundmi disa vende janë përfshirë me mot të ndryshueshëm, me shi të rrëmbyeshëm e erëra të forta.
