Sekretari i përgjithshëm i Aleancës, Avni Arifi, tha se shtatë deputetët e këtij subjekti politik do të marrin pjesë në seancën konstituive të Kuvendit. Por, sipas tij, pa u plotësuar gjashtë kërkesat e Aleancës, ata nuk do të votojnë për kryetarin e Kuvendit, as për zgjedhjen e presidentit.
Në një bisedë për RTV21, Arifi tha se Kurti po sillet me arrogancën e numrave, prandaj nuk po i merr parasysh kërkesat e Aleancës.
“Është arrogancë e numrave. Sjellja e tyre ndaj gjashtë kërkesave të Aleancës paraqet një rast tipik të arrogancës së numrave. Nëse ata dëshirojnë të jetojnë me këtë arrogancë të numrave, është në rregull, por nuk i kanë shtatë deputetët tanë, prandaj le ta gjejnë kuorumin diku tjetër. Ne nuk kemi kërkuar favore apo përfshirje në Qeveri.”, tha ai.
