31 
Banorët e lagjes “Bajram Curri” në Prizren kanë shprehur shqetësime në redaksinë e Klankosova.tv për shtypje të ulët të ujit të pijshëm, duke thënë se po përballen me vështirësi në furnizim.
Lidhur me këto pretendime, Kompania Rajonale e Ujësjellësit “Hidroregjioni Jugor” ka deklaruar se deri më tani nuk ka pranuar asnjë ankesë zyrtare apo verbale nga banorët e kësaj lagjeje për këtë problem.
Në përgjigjen e saj, kompania thekson se, pavarësisht mungesës së një ankese zyrtare, çdo informacion i pranuar nga qytetarët apo i publikuar në media trajtohet me seriozitet dhe verifikohet nga ekipet përkatëse.
