Nënkryetari i Lidhjes Demokratike të Kosovës, Lutfi Haziri tha se “LDK dallon nga të gjithë të tjerët, LDK bën opozitë konstruktive”.
Haziri në Rubikon me Adriatik Kelmendin, tha se LDK-ja gjithmonë i ka pasur situatat e qarta nëpër të cilat po kalon vendi dhe gjithmonë ka dhënë rekomandime, zgjidhje për të dal nga krizat.
“Për dallim nga partitë tjera opozitare LDK-ja gjithherë ka pasur politika të qarta, rekomanduese, deri tek kjo e fundit e shtensionimit të situatës në veri. Kemi dal me një plan 7 pikësh. Kryetari Abdixhiku ka filluar ta diskutojë këtë me grupe përtej partiake. Dhe fazën e parë po e përfundojmë suksesshëm”, ka thënë Haziri.
Sipas nënkryetarit të LDK-së, sanksionet për Kosovën prekin jo vetëm politikën por dhe ekonominë; dhe se sipas Hazirit, marrëdhëniet me SHBA-në dhe BE-në e NATO-n duhet të përmirësohen sa më shpejt.
