Deputeti i zgjedhur i AAK-së, Burim Ramadani, shprehet se “thirrja e sotme për pushkatimin e ish-kryeministrit dhe komandantit të UÇK-së, Ramush Haradinaj, brenda institucionit më të lartë të shtetit, është një akt kriminal e terroizues, që meriton dënimin më të ashpër ligjor dhe shoqëror”, referuar deklaratës së një mërgimtari gjatë vizitës së tij në Kuvendin e Kosovës.
Prandaj, Ramadani thotë se “jo veç narko-testi, këtyre edhe ADN-ja duhet t’i bëhet”.
Tutje, Ramadani ka shkruar:
Ajo që dëgjuam sot thirrje për vrasje. Të kërkosh pushkatimin e njeriut që dha gjithçka për lirinë e këtij vendi, që bëri Ushtrinë e Kosovës është çmenduri politike dhe kombëtare.
Këtë që kërkoi ky person sot në mes të Prishtinës, Serbia e ka kërkuar qe dy dekada.
Atë që nuk e bëri dot Haga dhe Serbia, po tentojnë ta bëjnë sot brenda sallës së Kuvendit tonë!
Është e tmerrshme që këto thirrje monstruoze ndodhin në sy të deputetëve dhe udhëheqësve institucionalë pa marrë asnjë reagim të menjëhershëm.
Kuvendi i Kosovës nuk është pronë private e askujt për t’u shndërruar në gjykatë linçimi dhe platformë të agjendave që i shkojnë për shtati vetëm Beogradit.
Organet e rendit dhe prokuroria duhet menjëherë ta arrestojnë këtë gjakprishur!
