Takimi me Kurtin, Hamza lë të kuptohet se është hapur për Presidentin nëse LVV-ja e mbështet ndryshimin e ligjit për Specialen
Kryetari i Partisë Demokratike të Kosovës tha se “nuk ka asnjë arsye që edhe partitë tjera të mos e përkrahin” ndryshimin e propozuar të ligjit për Gjykatën Speciale në Hagë.
Bedri Hamza tha duke hyrë në Kuvend se me Kurtin mbrëmë biseduan për situatën aktuale politike, përfshirë çështjen e Presidentit.
“Situata aktuale politike, me prioritet projektligji për Dhomat e Specializuara, por edhe temat tjera, duke përfshirë edhe temën e Presidentit. Por për ne, për Partinë Demokratike të Kosovës, ligji është pika e parë”, tha ai.
“Nuk kemi folur për emra, mirëpo nëse kalohet ligji – dhe këtë nuk po e them si detyrim, por si nevojë – jemi të hapur për të diskutuar për tema tjera”, tha Hamza.
I pyetur nëse ka shpresë që LVV-ja ta mbështesë projektligjin, Hamza tha: “Presim ditët në vijim. Nuk kemi shumë kohë, por presim edhe disa ditë”
