Deputeti i AAK-së, Daut Haradinaj, ka reaguar pas protestës së djeshme në Prishtinë, duke e cilësuar atë si masive.
Ai ka thënë se adresimet gjatë protestës nuk ishin të qarta dhe se nuk e kuptoi saktë mesazhin që u përcoll.
Haradinaj ka theksuar se kanë mbetur edhe katër ditë deri në përfundimin e mandatit të Kuvendit dhe se, sipas tij, nuk u bë e qartë se çfarë kërkohet.
“Protesta e djeshme ishte masive, ishte bash qysh i ka hije shqiptarit. Adresimet ishin të paqarta, nuk i kuptova. Edhe 4 ditë Kuvendit i përfundon mandati, pra nuk e paralajmëruat qartë.”, ka shkruar Haradinaj.
Ai ka thënë se të gjithë e dinë se kush është kundër plotësim-ndryshimeve të ligjit dhe kush, sipas tij, “e bëri argatin e dreqit”, por se këto nuk po thuhen qartë.
“Më 6 tetor do të duhej me qenë krejt në shesh, me një kërkesë drejtuar atyre që përfaqësojnë popullin”, ka shkruar Haradinaj
