Mbrojtësi i Arsenalit, Piero Hincapie, pësoi një lëndim që mund të përshkruhet vetëm si i pazakontë pas fitores 2-1 ndaj Leeds Unitedit dhe duket se Mikel Arteta mund të dalë në treg për të transferuar një mbrojtës.
Hincapie u inkuadrua në lojë për t’i përballuar tetë minutat e fundit të ndeshjes ndaj Leedsit dhe, pak pas vërshëllimës së fundit, reprezentuesi ekuadorian dhe bashkëlojtari i tij Martin Zubimendi pësuan lëndime në kyçin e këmbës gjatë ushtrimeve të lehta pas ndeshjes.
Mikel Arteta e përshkroi situatën si “larg të qenit ideale” para fitores 3-0 të Arsenalit ndaj Lille në Ligën e Kampionëve, duke thënë se kjo ishte hera e parë që diçka e tillë i kishte ndodhur gjatë shtatë viteve të tij si trajner i Arsenalit.
24-vjeçari u bart jashtë fushës nga portieri rezervë Illan Meslier dhe pritet të mungojë për disa javë, me mundësinë që të rikthehet për ndeshjen kundër Liverpoolit më 1 nëntor.
Hincapie dhe Zubimendi i janë bashkuar mbrojtësit të njohur William Saliba dhe Christos Tzolis në listën e lojtarëve të lënduar, por të paktën tre prej lojtarëve të Artetës pritet të rikthehen gjatë muajit të ardhshëm.
Ndonëse ky është një lajm inkurajues, Arteta duket i vendosur të investojë në repartin e mbrojtjes gjatë afatit kalimtar të janarit, ndërsa Kim Min-Jae i Bayern Munichut po shfaqet si një opsion i mundshëm.
Sipas gazetarit të afërt me Bayern Munichun, Christian Falk, Arsenali ka shprehur interesim për reprezentuesin e Koresë së Jugut, pjesërisht për shkak të lëndimit të Hincapies, por edhe sepse shefi i skautëve të klubit, Maurizio Micheli, e kishte zbuluar Kim gjatë kohës së tij te Napoli.
Gjiganti gjerman e transferoi mbrojtësin e aftë me topin nga Napoli në korrik të vitit 2023, pasi aktivizoi klauzolën e tij të lirimit prej 43 milionë funtesh. Që atëherë, ai ka regjistruar 122 paraqitje për klubin, duke shënuar pesë gola.
Këtë sezon, ai ka luajtur gjashtë herë në të gjitha garat, duke vazhduar të dëshmojë rëndësinë e tij për Vincent Kompanyn. Megjithatë, 29-vjeçari nuk e ka të garantuar një vend në formacionin titullar të trajnerit belg dhe, sipas Falkut, mund të shitet nëse vjen “oferta e duhur”.
Bayerni pa dyshim do të synojë të rikuperojë pjesën më të madhe të shumës që pagoi për mbrojtësin para tre vjetësh, ndërsa kontrata e tij skadon në qershor të vitit 2028.
Arsenali tashmë po operon në një treg krejtësisht të ndryshëm nga ai ku bënte blerje dikur, gjë që u dëshmua nga transferimet e lojtarëve me përvojë në Premierligë, si Ezri Konsa dhe Bruno Guimaraes, gjatë kësaj vere.
Konsa dhe Guimaraes kanë shkëlqyer gjithashtu në garat evropiane përkatësisht me Aston Villan dhe Newcastle Unitedin, dhe e njëjta gjë mund të thuhet edhe për Kimin.
Duke marrë parasysh cilësitë e tij të nivelit të lartë në mbrojtje dhe përvojën në Ligën e Kampionëve, ku ka regjistruar 40 paraqitje dhe numri vazhdon të rritet, reprezentuesi i Koresë së Jugut do të ishte një përforcim i jashtëzakonshëm për Arsenalin.
Në fakt, nëse arrijnë ta realizojnë transferimin e tij, ata do të siguronin një lojtar që mban një rekord të jashtëzakonshëm.
Gjatë përballjes së Bayern Munichut me Benficën në Ligën e Kampionëve, në nëntor të vitit 2024, Kimi i kompletoi të gjitha 113 pasimet e tij, sipas Optas. Ky ishte numri më i madh i pasimeve të realizuara nga një lojtar në një ndeshje të Ligës së Kampionëve, duke ruajtur saktësinë prej 100 për qind.
Kjo ndoshta shpjegon pse Arsenali ka shprehur admirimin për yllin e Bayernit, pasi Arteta i pëlqen lojtarët që ndihen rehat me topin në këmbë, siç dëshmohet edhe nga dëshira e tij për ta transferuar Konsan nga Aston Villa
