31 
Presidenti i Republikës, Bajram Begaj, ka thirrur më 30 tetor përfaqësuesit e grupeve parlamentare për konsultime lidhur me datën e zgjedhjeve vendore të vitit 2027, bëjnë me dije burime nga Presidenca.
Takimi pritet të shërbejë për konsultimin me grupet parlamentare përpara përcaktimit të datës së zgjedhjeve lokale të ardhshme.
Pas përfundimit të konsultimeve, presidenti Begaj pritet të nxjerrë dekretin për caktimin e datës së zgjedhjeve, në përputhje me afatet ligjore.
Afati i fundit për dekretimin e datës së zgjedhjeve vendore të vitit 2027 është 7 nëntori.
