Trajneri portugez, Jose Mourinho, ka komentuar vendimin e Cristiano Ronaldos për t`u tërhequr nga Kombëtarja e Portugalisë, duke theksuar se ky vendim duhet respektuar.
Mourinho ka bërë të qartë se largimi nga përfaqësuesja nuk nënkupton fundin e karrierës së yllit portugez, pasi sipas tij, Ronaldo ka ende objektiva për të arritur në futboll.
“Vendimi i tij duhet respektuar. Kjo nuk është tërheqje nga futbolli, karriera e tij nuk ka përfunduar”, ka deklaruar Mourinho.
“Kushdo që e njeh Cristianon, e di se ai ka ende objektiva për të arritur në karrierën e tij”, ka shtuar trajneri portugez.
Mourinho ka theksuar gjithashtu se largimi përfundimtar i Ronaldos nga futbolli duhet të ndodhë në rrethana krejtësisht të tjera.
“E vetmja gjë që di është se dita e tërheqjes së tij përfundimtare nga futbolli duhet të jetë ndryshe nga dita e djeshme”, ka përfunduar ai
