Koordinatorja Humanitare e Kombeve të Bashkuara: “Jam e tronditur”
Sulmi i djeshëm me raketë rus në qytetin e Zaporizhzhia që la një të vdekur dhe të paktën 16 të plagosur, goditi një hotel që përdorej shpesh nga stafi i OKB-së dhe operatorët e OJQ-ve; tha koordinatorja humanitare e OKB-së në Ukrainë, Denise Brown, siç raportohet nga Reuters në faqen e saj të internetit, percjell Informim.net.
Në një email dërguar agjencisë së lajmeve Brown, ajo tha se ishte “e tronditur” nga sulmi në hotelin Reikartz në lumin Dnipro.
“Jam e tronditur kur dëgjoj se një hotel i përdorur shpesh nga stafi i OKB-së dhe kolegët tanë të OJQ-ve që mbështesin njerëzit e prekur nga lufta është prekur nga një sulm rus në Zaporizhzhia”, tha Brown në email. “Kam qëndruar në këtë hotel sa herë që kam vizituar Zaporizhzhia”, shtoi ajo.
“Numri i sulmeve pa dallim, që kanë dëmtuar infrastrukturën civile dhe kanë vrarë e plagosur civilë, ka arritur një nivel të pabesueshëm”, nënvizoi zyrtarja, e cituar këtë herë nga Kyiv Independent: “Dhe ato janë një shkelje e ligjit ndërkombëtar humanitar”.
Brown gjithashtu i bëri thirrje Rusisë që “të ndërpresë menjëherë sulmet pa dallim kundër Ukrainës”.
OKB-ja e përdori hotelin si bazë për evakuimin e civilëve nga fabrika e çelikut Azovstal në Mariupol në maj 2022.
