Turizmi në Shqipëri ka nisur vitin për së mbari dhe shifrat po paralajmërojnë një sezon edhe më të mirë se viti i kaluar.
Të dhënat nga Instituti i Statistikave tregojnë se në 3 muajt e parë të vitit, në vend kanë hyrë mbi 1 milionë të huaj nga rreth 670 mijë që kanë hyrë në po të njëjtin hark kohor në vitin 2022.
Sipas të dhënat të INSTAT, tursitët vijnë nga shumë vende të botës por pjesa më e madhe e tyre, gjatë tre muajve të parë të vitit 2023 erdhën nga vendet europiane, ndjekur nga Amerika dhe Azia Lindore.
Çuditërisht, edhe pse këto vendo vetë janë të rrethuara me detë dhe kanë bukuri të pafundme kulturore, turistët nnga Spanja kanë konfirmuar shifra më të larta të hyrjes duke ardhur me turizmin e organizuar, teksa Italia ka një rritje të interesit për vizitorët individual. Edhe nga Polonia që është kryesore për turizmin e organizuar në vend ka një rritje të rezervimeve në raport me kontratat paraprake me garanci.
Pjesa më e madhe tyre, mbi 993 mijë ka deklaruar se ka hyrë në Shqipëri për pushime ose për të vizituar të afërm. Hyrje në rritje ka pasur edhe nga të huajt që e përdorin Shqipërinë si vend transit, ndjekur nga ata për qëllime biznesi, trajtime shëndetësore apo fetare.
Nga ana tjetër, në rritje kanë rezultuar edhe daljet e shtetasve shqiptarë në harkun e muajve janar-mars. Nga të dhënat rezulton se drejt vendeve të rajonit, Europës apo në Amerikë janë larguar gati 1.4 milionë shqiptarë, shifër kjo e rritur me mbi 32 për qind në krahasim me një vit më parë.
