Alarmi i parë u ndez në fillim të gushtit në zonën e Rio Grande, në Tierra del Fuego, në jug të vendit, ku u gjetën të vdekur 21 ekzemplarë.
Një epidemi e gripit të shpendëve, një sëmundje që prek zakonisht shpendët dhe shpendët e egër, po përhapet në Argjentinë tek kafshët e tjera si luanët e detit, të cilët janë një atraksion turistik në plazhet e Atlantikut të Patagonisë dhe po alarmon autoritetet lokale shëndetësore.
Më shumë se 100 luanë të ngordhur të detit janë gjetur përgjatë brigjeve. Në provincën e Rio Negro (në jug), sekretariati për mjedisin raportoi në një deklaratë për shtyp “më shumë se 50 ekzemplarë të vdekur përgjatë bregdetit dhe po aq me simptoma që perputhen me gripin e shpendëve”.
Disa dhjetëra kufoma të tjera të luanëve të detit ose fokave gëzofi (Otaria flavescens), speciet emblematike lokale, u numëruan në brigjet e Mar del Plata ose Necochea, 400-500 km në jug të Buenos Aires, deri në provincën e Santa Cruz, sipas Shërbimit Kombëtar për Shëndetin dhe Cilësinë e Ushqimit (Senasa).
