Kjo po vlerësohet si shumë e rëndësishme për makinat autonome dhe robotët e shtëpisë
Inteligjenca artificiale ka mësuar të fluturojë me drone dhe mund ta bëjë atë në mënyrë më efikase se njerëzit.
Këtë e demonstron sistemi i AI i quajtur Swift, fitues i garave kundër pilotëve të dronëve njerëzorë, të përshkruar në Nature dhe të cilit revista ia kushton kopertinën.
Rezultati nuk është vetëm një kuriozitet, por një moment historik për zhvillimet e ardhshme në robotikë, veçanërisht për makinat autonome dhe robotët që synojnë të jetojnë në shtëpi me njerëz.
Hulumtimi u koordinua nga Universiteti i Cyrihut, me grupin e drejtuar nga Elia Kaufmann dhe që përfshin italianët Davide Scaramuzza dhe Antonio Loquercio, dhe u krye në bashkëpunim me Intel Labs në Mynih (Gjermani) dhe Jackson (Shtetet e Bashkuara).
Studiuesit kanë projektuar një sistem autonom robotik të aftë për të garuar me automjete në nivelin e pilotëve më të aftë të dronëve njerëzorë.
