32 
Njësitet e Doganës së Kosovës kanë njoftuar se sot është zhvilluar një aksion në pesë lokacione të ndryshme në Prishtinë e që për cak kanë pasur barnatoret.
Qëllimi ishte verifikimi i mallrave të mundshme të kontrabanduara e që ka rezultuar se në tri lokacione janë zbuluar mallra pa banderola, të fshehura në lokacione të ndryshme.
Dogana bën të ditur se malli i gjetur përbëhet prej më shumë se 350 llojeve të ndryshme të medikamenteve që mendohet se në Kosovë kanë hyrë në mënyrë ilegale.
“Mallrat e kontrabanduara janë konfiskuar menjëherë dhe proceset ligjore kundër personave të përfshirë në këtë veprimtari të paligjshme kanë filluar”, thuhet në njoftim.
