Debati parlamentar për çështjen e furnizimit me tekste shkollore të nxënësve të shkollave fillore ka dështuar të mbahet, pasi deputetët e partisë në pushtet, Lëvizjes Vetëvendosje, nuk morën pjesë.
Zëdhënësi i Qeverisë, Përparim Kryeziu ka thënë se kjo seancë e jashtëzakonshme dhe mënyra se si ishte thirrur nxjerrte konkludim të debatit parlametar para se të fillonte vetë debati.
“Seanca e sotme, në mënyrën se si ishte ftuar, nxjerrte konkludim të debatit parlamentar, para se të fillonte vet debati. Pak sikur, së pari gjykimi mbi rastin, e pastaj hetimi për rastin”, shkroi ai.
Kryeziu madje ka aluduar se pika e rendit të ditës në seacnën e sotme do të ishte “Dështimi i Qeverisë për sigurimin e teksteve shkollore për nxënësit”.
“Ky ishte rendi i ditës për seancën e sotme: Debat parlamentar lidhur me dështimin e Qeverisë së Republikës së Kosovës për sigurimin e teksteve shkollore për nxënësit e nivelit të arsimi fillor dhe arsimit të ulët të mesëm të ulët për vitin 2023/25”, shprehet tutje ai në një postim në Facebook.
