Një nga përfitimet e të qenit i famshëm është, sigurisht, aftësia për të pasur në krah ekspertët që kujdesen si për pamjen, ashtu edhe për shëndetin tuaj. Trajnerët, nutricionistët dhe mjekët janë në dispozicionin tuaj, për t’ju këshilluar në mënyrën më të mirë.
Ky është rasti i Amal Clooney, e cila ka prioritet shëndetin e saj, duke qëndruar larg substancave dhe zakoneve jo të shëndetshme.
Në vend të kësaj, ajo i zgjedh vaktet e saj me kujdes, të cilat sigurojnë vitamina dhe elementë që forcojnë trupin. Duke folur për vaktet, ne e dimë se gjëja e parë që hamë në ditën tonë ka një rëndësi të madhe.
Mëngjesi ynë është i rëndësishëm për të mos rritur indeksin tonë glicemik dhe për të na ofruar yndyrna dhe proteina ushqyese, në mënyrë që të mos jemi të uritur gjatë gjithë ditës.
Mëngjesi i Amal është ai që na tërhoqi vëmendjen dhe jo pa arsye. Përveç faktit që nuk është aq i zakonshëm – të paktën në Evropë – ka një sërë përfitimesh ushqyese.
Shefja italiane Viviana Frizzi, e cila shpesh merr përsipër vaktet e avokates së famshme, ka dhënë një intervistë, në të cilën ka treguar se një nga mëngjeset e preferuara të Amal janë alga deti (supë tajlandeze), avokado dhe vezë të ziera. Dhe nëse pyesni veten pse duhet të hahen alga deti në mëngjes, përgjigja është shumë e thjeshtë.
“Algat e detit kanë të gjitha lëndët ushqyese që na nevojiten: janë të pasura me jod, hekur, kalcium, kolagjen, aminoacide dhe fibra,” thotë Karen Cummings-Palmer, një nutricioniste.
Përveç vlerave të tyre ushqyese, algat kanë shumë përfitime bukurie.
Ato përmirësojnë ngjyrën, strukturën dhe elasticitetin e lëkurës. Algat e detit janë të pasura me kolagjen që i jep lëkurës elasticitetin e saj dhe me vitaminë C që nxit prodhimin natyral të kolagjenit”, konfirmon dietologia. Ato janë gjithashtu të pasura me hidratues, të cilët hidratojnë lëkurën dhe përmirësojnë aftësinë e saj për të mbajtur lagështinë, duke i bërë ato një aleat të fuqishëm bukurie.
