Deputetja britanike, Alicia Kearns, ka reaguar pas ngjarjeve të fundit në veri të Kosovës ku mbeti i vrarë polici Afrim Bunjaku dhe u plagos polici tjetër Alban Rashiti.
Ajo tha se është thellësisht shqetësuese të shihet një tjetër sulm i orkestruar ndaj forcave të rendit në Kosovë, derisa ngushëlloi familjen e policit të vrarë.
“Zemra ime është me familjet e rreshterit të policisë të vrarë dhe të lënduarve që u shërbejnë komuniteteve të Kosovës. Policia e Kosovës duhet të jetë në gjendje të mbrojë sundimin e ligjit pa kërcënim të dhunës”.
Deeply worrying to see yet another, orchestrated attack on law enforcement in Kosovo.
— Alicia Kearns MP (@aliciakearns) September 24, 2023
My heart goes out to the families of the Police Sergeant killed and those hurt serving Kosovo’s communities.
Kosovo’s police must be able to uphold rule of law without threat of violence 1/
Ajo foli edhe për situatën aktuale në Manastirin e Banjskës ku po qëndrojnë persona të armatosur që po dyshohet se kryen sulmin ndaj Policisë së Kosovës, ndërsa janë të rrethuar nga Policia e Kosovës.
“Situata nuk është zgjidhur ende me të shtënat me armë zjarri të raportuara në Manastirin e Banjskës. Imazhet fillestare sugjerojnë se personat e armatosur janë milici të financuara mirë dhe të pajisura, duke përfshirë edhe automjete të blinduara. Duhet të mbahen përgjegjës dhe ata duhet të përballen me drejtësinë. Le të shpresojmë që askush tjetër të mos dëmtohet”, ka shkruar ajo
