Ish-presidenti i Kosovës Hashim Thaçi, nga Haga e ka telefonuar për ngushëllime familjen e policit të rënë në detyrë Afrim Bunjaku.
Njoftimi u bë i ditur nga nënkryetari i Komunës së Skenderajt Sami Lushtaku.
“Nga Haga, përmes telefonit, familjarët e Afrimit i ngushëlloi edhe Presidenti Hashim Thaçi, i cili është prekur thellësisht nga rënia e tij, duke shprehur mirënjohje për sakrificën e lartë të tij në shërbim të atdheut”, tha Lushtaku.
Rreshteri Afrim Bunjaku, u vra në orët e para të së dieles në një sulm terrorist në fshatin Banjskë të Zveçanit, kur policia kishte shkuar për t’i larguar dy kamionë që e kishin bllokuar rrugën.
I ndjeri u varros të hënën në fshatin Samadrexhë të Vushtrrisë.
Ai u shpall “Hero i Kosovës” nga presidentja Vjosa Osmani.
