Autoritetet e Kajros nuk e kanë konfirmuar numrin e të vdekurve. Në vendngjarje kanë shkuar forca të shumta zjarrfikëse të cilat kanë shuar flakët
Një zjarr i madh ka shkatërruar një ndërtesë të madhe guri “të pushtuar” nga policia në qytetin Ismailia, Egjipt, pranë Kanalit të Suezit.
Për momentin ka të paktën njëqind të lënduar, por dyshohet se shumë kanë humbur jetën.
Në vendngjarje ndodhen të paktën pesëdhjetë autoambulanca, ndërkohë që po mbërrijnë edhe dy avionë ushtarakë për të sjellë sa më shumë policë në siguri. Këtë e raportoi transmetuesi al-Arabiya, i cili theksoi se shumica e të plagosurve pësuan djegie të rënda dhe vështirësi në frymëmarrje.
Autoritetet e Kajros nuk e kanë konfirmuar numrin e të vdekurve. Në vendngjarje kanë shkuar forca të shumta zjarrfikëse të cilat kanë shuar flakët.
Burime nga al-Arabiya dhe al-Hadath thanë se një gjendje e jashtëzakonshme ishte shpallur në të gjitha spitalet në qytetin e Kanalit të Suezit për të akomoduar pacientët e plagosur.
Ministri i Brendshëm egjiptian, gjenerali Mahmoud Tawfiq, shpjegoi se po ndjek personalisht operacionet e shuarjes së zjarrit dhe po kontrollon gjendjen shëndetësore të atyre që ndodheshin në strukturë në momentin e aksidentit.
Burime qeveritare konfirmuan se ka nisur një hetim për të identifikuar shkakun e zjarrit dhe për të zbuluar se si ai u përhap kaq shpejt.
