Struktura u shemb ndërsa po bëhej pagëzimi dhe kishte 100 persona brenda, rreth pesëdhjetë u shtruan në spital, të tjerët janë ende nën rrënoja. Bëhet fjalë për një kishë në Ciudad Madero, në shtetin Tamaulipas në Meksikën verilindore.
Të paktën nëntë persona vdiqen dhe 20 të tjerë u bllokuan pasi çatia e një kishe u shemb në Ciudad Madero, ne Meksike. Mediat lokale thanë se 49 persona u dërguan në spital.
Policia në shtetin bregdetar të Tamaulipas tha se rreth 100 njerëz po merrnin pjesë në një meshë në kishën Santa Cruz në kohën e shembjes. Mediat lokale raportuan se ishte një pagëzim.
Guvernatori i shtetit të Tamaulipas, Américo Villarreal, iu referua një “tragjedie” duke theksuar se shërbimet e shpëtimit dhe të ndihmës së parë u mobilizuan menjëherë.
“Shërbimet e sigurisë dhe të mbrojtjes civile tashmë po trajtojnë situatën (…) Ata janë në terren për të koordinuar operacionet e shpëtimit,” i shkroi ai X.
