Ka pasur disa thirrje në rrjetet sociale për të shprehur zemërimin për atë që po ndodh. Lior Raz, protagonist i serialit që tregon historinë e forcave speciale të Tel Avivit, poston një video nga Sderot nën raketa.
Nga trillimi në realitet hapi është shumë i shkurtër. Këtë e dinë mirë shkrimtarët dhe aktorët e Fauda-s, seriali shumë i suksesshëm izraelit që ndërgjegjësoi botën se si funksionon makina komplekse e inteligjencës në Tel Aviv.
Mjafton të thuhet se aktori kryesor i serialit Lior Raz është një ish-agjent i forcave speciale dhe, pas një qëndrimi si roje i Arnold Schwarzenegger-it, ai zbuloi pasionin e tij për kinemanë dhe iu perkushtua kokë e këmbë aktrimit.
Tani aktori, i cili luan në serial agjentin e torturuar të fshehtë Doron, është sot në vijën e parë të frontit në Sderot, për të ndihmuar familjet e bombarduara nga raketat e Hamasit.
Në një mesazh në Instagram ai shprehu dhimbjen për atë që po ndodh dhe ofroi ndihmën e tij personalisht për të përballuar momentin e tmerrshëm që po përjeton vendi i tij.
Fauda (që do të thotë konfuzion, kaos) është një serial që tregon historinë e një grupi agjentësh elitarë të Shin Bet, ekspertë në operacionet e fshehta në Gaza. Ata janë të gjithë shumë të trajnuar dhe vdekjeprurës, flasin perfekt arabisht dhe falë kësaj karakteristike ata janë në gjendje të depërtojnë në grupe terroriste dhe të kryejnë veprimet e tyre.
Xhirimet e sezonit të pestë janë ndalur, pikërisht për shkak të asaj që po ndodh në Izrael. Dhe disa aktorë të serialit tashmë i janë bashkuar ushtrisë dhe janë kthyer në vijë të parë.
