Presidenti ukrainas Volodymyr Zelensky do të jetë sot në Bruksel për t’u takuar ndër të tjera me kryeministrin belg Alexander De Croo.
Në qendër të bisedimeve, me sa dihet, është mbështetja ushtarake për Ukrainën.
Sot në Bruksel është caktuar edhe takimi i ministrave të mbrojtjes së NATO-s.
“Ne jemi në anën e Ukrainës, është e rëndësishme për të gjithë NATO-n. Sot do të jetë Grupi i Kontaktit dhe ne do të mobilizojmë më shumë mbështetje” për Kievin, tha Sekretari i përgjithshëm, Jens Stoltenberg, një pikë për shtyp me presidentin ukrainas Volodymyr Zelensky.
“Beteja e Ukrainës është e jona, ne do t’ju ndihmojmë për aq kohë sa të jetë e nevojshme”, shtoi ai.
Nga selia e NATO-s foli edhe Volodymyr Zelensky: “Prioriteti ynë është të kemi një sistem të mbrojtjes ajrore. Ne kemi nevojë për të në pika shumë specifike të territorit tonë. Ne kemi nevojë për të për të dëbuar rusët nga territori ynë”.
Kjo është hera e parë që Zelensky viziton selinë e Aleancës në Bruksel.
“Jam këtu për të përgatitur qëndrueshmërinë e Ukrainës” për dimër, shtoi ai.
“Ne jemi në luftë dhe e kuptojmë se çfarë do të thotë të kesh sulme terroriste. Mbaj mend ditët e para të luftës sonë në shkallë të gjerë që filloi me sulmet terroriste nga Bjellorusia. Nëse mund t’u jap një rekomandim udhëheqësve të Perëndimit, ai është se nuk e bëjnë popullatën izraelite të ndihet vetëm, nuk po flas për mbështetjen e institucioneve, por për njerëzit që pësuan sulmet”.
Këtë e tha Zelensky në selinë e NATO-s.
Lufta e Rusisë kundër Ukrainës është në fazën përfundimtare, e cila mund të jetë më e vështira, por aktualisht është e vështirë të parashikohet fundi i armiqësive: kështu tha presidenti ukrainas Volodymyr Zelensky në TV rumun Digi24.
“Është pjesa e fundit e luftës. Nuk është qendra e saj. Periudha e parë ishte pushtimi, pasuar nga ndalimi i avancimit dhe marrja e iniciativës. Mendoj se jemi në pjesën e fundit. Frika që kemi është e madhe: paratë, armët, por ne jemi në pjesën e fundit, më të vështirën”, tha Zelensky, duke shtuar: “Nuk mund t’ju them datën e saktë, nuk mendoj se dikush (mundet), ndoshta vetëm (Donald) Trump, një ditë”.
Zelensky u prit në selinë e NATO-s nga Sekretari i Përgjithshëm Jens Stoltenberg, i cili do të kryesojë sot takimin e ministrave të mbrojtjes të Aleancës. Programi i presidentit ukrainas në Bruksel nuk është bërë ende i ditur./Ansa
