Ministri i Punëve të Brendshme, Xhelal Sveçla ka dhënë detaje më shumë për aksionin e sotëm të Policisë së Kosovës në veri.
Ai ka publikuar fotografi të arsenalit të armëve të gjetur, teksa ka thënë se ky arsenal lidhet me rastin e sulmit terrorist në Banjskë.
“Granatahedhës dore, eksplozivë, mina kundër këmbësorisë, mina me sahat e teledirigjim, detonatorë e çanta me pajisje të ndryshme, prodhime të njëjta me ato që u sekuestruan në Banjskë dhe më herët në Zveçan, po qartësojnë për ne dhe për opinionin ndërkombëtar gjerësinë e planit të Serbisë për aneksimin e veriut përmes agresionit terrorist”, shkroi ai ndër tjera.
Sveçla theksoi se Policia dhe institucionet e sigurisë së Kosovës nuk do të ndalen deri në çrrënjosjen e terrorizmit në veri.
Ne jemi informim.net, një portal lajmesh që kemi një qëllim të qartë dhe premtim për të qenë portal lajmesh më i shpejtë në Kosovë dhe në rajon. Ne kemi një staf të përkushtuar gazetarësh dhe redaktorësh që punojnë vazhdimisht për të sjellë lajme aktuale dhe të besueshme për lexuesit tanë. Ne ofrojmë lajme nga Kosova dhe më gjerë, duke i kushtuar rëndësi çështjeve që ndikojnë në jetën e përditshme të njerëzve. Gjithashtu, ne kemi një fokus të veçantë në kulturë, art, dhe inovacione teknologjike.
