Një nga dy motrat adoleshente me pasaporta britanike që u raportuan të zhdukura dje pas sulmit terrorist të Hamasit në Izrael më 7 tetor është vrarë.
Kështu raporton BBC, duke cituar familjen e viktimës, sipas së cilës ajo është 13-vjeçarja Yahel, e cila vdiq së bashku me nënën e saj Lianne gjatë sulmit të milicëve palestinezë në kibbutz Be’eri.
Motra e saj, 16- vjeçarja Noiya dhe babai i saj Eli janë ende në mesin e të zhdukurve dhe dyshohet se ata janë ndër pengjet e mbajtura nga Hamasi në Rrip.
Dje kryeministri Rishi Sunak, duke raportuar në Dhomën e Komunave për konfliktin e vazhdueshëm në Lindjen e Mesme, tha se “të paktën” gjashtë shtetas me pasaporta britanike ishin vrarë dhe dhjetë ishin të zhdukur.
