Bayern ka triumfuar 8-0 në kampionat në shtëpi, ndaj modestëve të Darmstadt. Pjesa e parë ishte mjaft emocionuese, e luftuar, teksa nuk munguan episodet. Kimmich u ndëshkua me karton të kuq pas vetëm 4 minutash lojë, duke lënë kampionët e Gjermanisë me një lojtar më pak për pjesën më të madhe të takimit.
Në minutën e 21-të, mesfushori shqiptar, Klaus Gjasula shndërrohet në protagonist negativ dhe merr karton të kuq, pas një ndërhyrje mjaft të ashpër. Në fundin e fraksionit, kroati Matej Maglica lë fushën e lojës (Karton i kuq), me Darmstadt që sheh veten me vetëm 9 futbollistë në lojë përballë bavarezëve.
Në pjesën e dytë, ekipi u Tuchel u argëtua, duke shënuar me Kane, Sane dhe Musiala brenda çerek ore. Në pjesën e mbetur të lojën, këta 3 lojtarë të Bayern shënuan edhe nga një herë. Gjithashtu, edhe Muller vendosi emrin në listën e golashënuesve. Pak minuta para fundit, Kane kompletoi tripletën personale. Me këtë sukses, Bayern kryeson me 23 pikë.
