Një tentim-vrasje ka ndodhur dje në rrugën “Lufta e Gjilanit”, në Gjilan.
Policia e Kosovës ka bërë të ditur se në këtë rast janë arrestuar katër persona që janë përleshur fizikisht mes vete pas një mosmarrëveshje për pronën.
Në vendin e ngjarjes, është gjetur dhe sekuestruar një pistoletë e kalibrit 9mm., një gëzhojë dhe 13 fishekë. Të dyshuarit pas intervistimit, me vendim të prokurorit janë dërguar në mbajtje.
“Rr. Lufta e Gjilanit, Gjilan 15.11.2023 – 11:20. Janë arrestuar katër të dyshuar meshkuj kosovar, për shkak se janë përleshur fizikisht në mes vete pas një mosmarrëveshje rreth një kontesti pronësor. Në vendin e ngjarjes, është gjetur dhe sekuestruar një pistoletë e kalibrit 9mm., një gëzhojë dhe 13 fishekë. Të dyshuarit pas intervistimit, me vendim të prokurorit janë dërguar në mbajtje”, thuhet në njoftimin e policisë.
