Me veprimet e saj, Olta Gixhari ia del ta tërheqë gjithmonë vëmendjen e publikut.
Ajo është kthyer në figurën ndoshta më “pikante” të panelit gjykues në spektaklin e kërcimit “DWTS”. Batutat, ngacmimet apo provokimet që aktorja bën, sidomos ndaj Ilir Shaqirit, janë komentuar shumë nëpër rrjetet sociale. Anëtarja e jurisë e habiti publikun me lëvizjet provokuese ndaj kryetarit të jurisë Ilir Shaqirit.
Teksa balerini komentonte kërcimin e Juliana Nurës, Olta u ngrit në këmbë duke demonstruar lëvizjen që kërkoi Iliri, por ky i fundit tha se nuk e vuri re!
Ndërkohë, ndjekësit ishin shumë kuriozë të dinin se si ka reaguar partneri i saj, Dori, për momente si zinxhiri i zbërthyer, lëvizjet provokuese dhe fjalët në vesh me balerinin.
Gjatë një interviste të shkurtër për programin “DWTS Fanc Club”, Olta u shpreh se përderisa ajo vazhdon t’i bëjë këto veprime, tregon se bashkëshorti e mbështet. Aktorja madje shtoi duke qeshur se do të bëjë edhe më keq se kaq.
