Kryetari i Lidhjes Demokratike të Kosovës (LDK), Lumir Abdixhiku, e ka vizituar degën e kësaj partie në Ferizaj.
Atje është pritur nga drejtuesi i kësaj dege, Visar Azemi.
Për këtë takim me strukturat udhëheqëse të LDK-së në Ferizaj, Abdixhiku ka thënë se “Visari ka çdo element njerëzor e profesional për të na prirë në Ferizaj”.
Në këtë mënyrë Abdixhiku indirekt e ka shpallur kandidaturën e Azemajt për kryetar të Ferizajt në zgjedhjet lokale të vitit 2025.
”Sonte, te Visar Azemi në takimin e fundvitit me strukturat udhëheqëse të degës sonë në Ferizaj; mes njerëzve tanë që punuan pa ndërprerë për një vit të tërë. Ju faleminderit”.
“Po e mbyllim një vit ndryshimi të brendshëm, për të nisur një të angazhimit tonë të madh në këtë qytet me përplot pozitivitet e energji të mbarë. Lidhja po vjen; e Visari ka çdo element”, ka shkruar Abdixhiku në Facebook, të dielën.
